Avspasering

Bloggen vil no ta minst tre vekers avspasering. Det er viktig å understreke at dette er avspasering og ikkje ferie, avspasering opptent gjennom mange timar med pålagt overtid denne våren. Eit unnatak er fyrstkomande helg, når vi reiser til Finnmark og neppe kan forventast å spasere, både på grunn av vanskeleg terreng og dei mange gode tilboda på det finske vinmonopolet. Vi vil, i denne samanhengen, ta ut litt ferie etter behov. Men det meste av ferien sparar vi til ein vinterdag.

"Bilete for merksemd" er eit genialt triks vi har lært av ungdommen. Det dreier seg om å bruke eit sjokkerande bilete som strengt teke ikkje har mykje med saka å gjera, for å skapa blåst og hurlumhei kring det ein vil formidle. Men vi vil sjølvsagt aldri falle til slike spekulative djupner. Biletet over, som forresten umogleg kan sjokkere nokon, har faktisk veldig mykje med alt å gjera: Det illustrerer, nokså spesifikt, planane våre for avspaseringa. 

I mellomtida ynskjer vi alle lesarar ein sumar. Gjev hausten kjem fort, så vi igjen kan møtast skjerm til skjerm. Takk!